У МЗС абмеркавалі пытанні рэалізацыі сумеснага праекта па нацыяналізацыі і лакалізацыі МУР у Беларусі

6 чэрвеня 2023 года ў Міністэрстве замежных спраў Рэспублікі Беларусь прайшло пасяджэнне Каардынацыйнага камітэта сумеснага праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця».

У ходзе пасяджэння былі разгледжаны пытанні старту праекта для Рэспублікі Беларусь, складу камітэта і распрацоўкі рабочага плана рэалізацыі гэтага праекта.

Праект міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця» прадугледжвае далейшую нацыяналізацыю і адаптацыю Мэт устойлівага развіцця да ўмоў Беларусі, пашырэнне партнёрства грамадзянскай супольнасці, органаў дзяржаўнага кіравання з зацікаўленымі структурамі, адказнымі за рэалізацыю МУР. Цяпер работа сканцэнтравана на пытаннях навучання, удасканалення паказчыкаў ацэнкі дасягнення Мэт устойлівага развіцця, уцягнутасці як мага большай колькасці нашых грамадзян у работу па іх дасягненню.

З больш падрабязнай інфармацыяй аб пасяджэнні можна азнаёміцца па спасылцы.