Урад актуалізаваў дзяржпраграму «Камфортнае жыллё і спрыяльнае асяроддзе» на 2021-2025 гады

Пастановай Савета Міністраў Рэспублікі Беларусь ад 9 ліпеня 2025 г. №377 унесены змяненні ў Дзяржаўную праграму «Камфортнае жыллё і спрыяльнае асяроддзе» на 2021-2025 гады.

Змяненнямі, у прыватнасці, прадугледжана павелічэнне фінансавання па асобных пазіцыях. Таксама ўдакладнены комплекс мер па павелічэнню выкарыстання драўняных паліўных гранул (пелет), абноўлены пералік кацельняў, якія пераводзяцца на выкарыстанне ў якасці паліва драўняных гранул (пелет).

Дзяржаўная праграма «Камфортнае жыллё і спрыяльнае асяроддзе» накіравана на далейшае развіццё ЖКГ, сферы бытавога абслугоўвання, павышэння даступнасці энерга- і газазабеспячэння ў населеных пунктах. Праграма ўключае 7 падпраграм: «Даступнасць паслуг», «Добраўпарадкаванне», «Эфектыўнае цеплазабеспячэнне», «Рамонт жылля», «Чыстая вада», «Мэта 99», «Развіццё электраэнергетыкі і газіфікацыі населеных пунктаў».

Для рэалізацыі праграмы вызначаны комплекс мерапрыемстваў, у ліку якіх прадастаўленне насельніцтву льгот па аплаце жыллёва-камунальных паслуг, безнаяўных жыллёвых субсідый, распрацоўка і ўдасканаленне тэхнічных нарматыўных прававых актаў у сферы жыллёва-камунальнай гаспадаркі, падтрыманне і аднаўленне санітарнага і тэхнічнага стану прыдамавых тэрыторый шматкватэрных жылых дамоў, вонкавае асвятленне населеных пунктаў, набыццё і замена ліфтаў, будаўніцтва водазаборных свідравін, удасканаленне сістэм абыходжання з камунальнымі адходамі і інш.

Рэалізацыя мерапрыемстваў Дзяржаўнай праграмы «Камфортнае жыллё і спрыяльнае асяроддзе» робіць унёсак у дасягненне Рэспублікай Беларусь Мэты ўстойлівага развіцця 11 і іншых МУР.