Узровень занятасці насельніцтва ў працаздольным узросце складае 84,2% ў Беларусі
У Беларусі вырашэнне пытанняў у галіне садзейнічання занятасці насельніцтва і аховы працы ажыццяўляецца праз рэалізацыю мерапрыемстваў Дзяржаўнай праграмы «Рынак працы і садзейнічанне занятасці» на 2021-2025 гады.
Па дадзеных выбарачнага абследавання Нацыянальнага статыстычнага камітэта Рэспублікі Беларусь, у першым паўгоддзі 2024 г. узровень занятасці насельніцтва ў працаздольным узросце склаў 84,2%, а ўзровень беспрацоўя – 3% (на 0,4% менш, чым у аналагічным перыядзе 2023 г.) пры зводным мэтавым паказчыку Дзяржаўнай праграмы – 4,2%. Пры гэтым, сярод жанчын у працаздольным узросце ўзровень занятасці і беспрацоўя складае 85,3% і 2,7% адпаведна, а сярод мужчын – 83,3% і 3,3%.
Так, у студзені-чэрвені 2024 г. з боку дзяржаўнай службы занятасці насельніцтва:
- аказана садзейнічанне ў працаўладкаванні 66,5 тыс. чалавек;
- забяспечана часовая працоўная занятасць 28,2 тыс. школьнікаў, навучэнцаў і студэнтаў у вольны ад вучобы час;
- накіравана на навучанне 1,1 тыс. беспрацоўных, з іх 89,2% з гарантыяй наступнага працаўладкавання;
- заключана 885 «дарожных карт» з наймальнікамі;
- забяспечана правядзенне 325 «дзён прадпрыемства» і больш за 1,3 тыс. кірмашоў вакансій, у тым ліку 471 электронных;
- зафіксавана каля 10,8 млн. наведванняў банка вакансій для аператыўнага і адраснага пошуку працы.
Забеспячэнне поўнай і эфектыўнай занятасці насельніцтва робіць важны ўклад у дасягненне Рэспублікай Беларусь Мэты ўстойлівага развіцця 8 і іншых МУР.