Зацверджаны Нацыянальны план дзеянняў па прадухіленні дэградацыі зямель на 2021–2025 гады

Пастановай Савета Міністраў ад 15 чэрвеня 2021 г. № 341 зацверджаны Нацыянальны план дзеянняў па прадухіленні дэградацыі зямель (глеб) на 2021-2025 гады.

У план уключана 42 мерапрыемствы, якія накіраваны на:

• удасканаленне прававога рэгулявання ў галіне прадухілення дэградацыі зямель (глеб);
• рэалізацыю практычных мер па прадухіленні дэградацыі і аднаўлення дэградаваных зямель (глеб);
• павышэнне ўзроўню навукова-тэхнічных ведаў, нарошчванне патэнцыялу, інфармацыйнае забеспячэнне;
• умацаванне міжнароднага супрацоўніцтва.

Сярод мерапрыемстваў праграмы наступныя:

• удасканаленне заканадаўства па пытаннях:

– размяшчэння, распрацоўкі, рэкультывацыі і ўнутрыгаспадарчага уліку кар’ераў, прызначаных для здабычы агульнапашыраных карысных выкапняў;
 — устанаўлення дыферэнцыраваных нарматываў ўтрымання хімічных рэчываў у глебах;
 — атрымання даных дыстанцыйнага зандзіравання зямлі ў дачыненні да тэрыторыі Рэспублікі Беларусь;

• перавод прыдатных для вырошчвання лесу участкаў зямель у катэгорыю зямель ляснога фонду;
• экалагічная рэабілітацыя тарфянікаў;
• стварэнне тыпавой лічбавай платформы «Дакладнае земляробства».

Мерапрыемствы, уключаныя ў праект Нацыянальнага плана па прадухіленні дэградацыі зямель, накіраваныя на дасягненне Мэты ўстойлівага развіцця 15 «Захаванне экасістэм сушы».