Дзве новыя падстанцыі 110 кВ адкрыліся ў Мінскай вобласці

15 і 18 снежня 2023 года адбылося адкрыццё дзвюх падстанцый 110 кВ:

• «Чаркасы» ў Дзяржынскім раёне дасць магчымасць павысіць надзейнасць электразабеспячэння буйных прамысловых спажыўцоў Дзяржынскага раёна, будзе садзейнічаць развіццю свабоднай эканамічнай зоны «Мінск» і прыцягненню новых інвестараў.

• «Аэрадромная-2» у Мінску забяспечыць надзейнае электразабеспячэнне спажыўцоў жылога комплексу «Мінск-Мір» і стане дастойным укладам у развіццё і добраўпарадкаванне горада. На падстанцыі ўстаноўлены два сілавыя трансфарматары сумарнай магутнасцю 80 МВА, камплектная размеркавальная прылада з элегазавай ізаляцыяй, найноўшыя сродкі рэлейнай абароны, тэлемеханікі і сувязі.

Усяго ў Мінскай энергасістэме ў 2023 годзе пабудавана і рэканструявана пяць падстанцый 35-110 кВ, яшчэ 6 знаходзяцца на этапе будаўніцтва. Таксама працягваецца праца па мадэрнізацыі электрасетак: у 2023 годзе мадэрнізавана – 640 км. Усяго па ўсёй краіне за 11 месяцаў 2023 года пабудавана і мадэрнізавана больш за 2,1 тыс. км. Плануецца, што ў 2024 годзе будуць мадэрнізаваны 3 тыс. км.

Стварэнне і мадэрнізацыя крыніц энергіі, павышэнне энергаэфектыўнасці краіны ўносіць важны ўклад у дасягненне Рэспублікай Беларусь Мэт устойлівага развіцця 7, 9, 11 і іншых МУР.