Конкурс грамадзянскіх ініцыятыў праходзіць у Мінскай вобласці

Мінская абласная асацыяцыя мясцовых Саветаў дэпутатаў праводзіць Конкурс грамадзянскіх ініцыятыў.

Конкурс праводзіцца для рэалізацыі праектаў, накіраваных на паляпшэнне якасці жыцця жыхароў Мінскай вобласці, у тым ліку на добраўпарадкаванне населеных пунктаў. Тэрмін рэалізацыі грамадзянскіх ініцыятыў – 2025 год.

Ініцыятарамі праектаў могуць стаць грамадзяне, якія дасягнулі васемнаццацігадовага ўзросту і пражываюць на тэрыторыі адпаведнай адміністрацыйна-тэрытарыяльнай адзінкі пры падтрымцы раённых або гарадскіх Саветаў дэпутатаў. Выканаўцамі ініцыятыў могуць выступаць юрыдычныя асобы, індывідуальныя прадпрымальнікі, ініцыятары, якія ажыццяўляюць рэалізацыю ініцыятывы поўнасцю або часткова.

Праекты грамадзянскіх ініцыятыў для ўдзелу ў конкурсе прымаюцца да 27 студзеня 2025 года.

Правядзенне Конкурсу грамадзянскіх ініцыятыў зробіць уклад у лакалізацыю Мэт устойлівага развіцця.

Падрабязней аб Конкурсе на minsk-region.gov.by