У Бабруйску прайшоў навукова-практычны семінар па тэматыцы адукацыі ў інтарэсах устойлівага развіцця

18 мая 2023 года на базе ДУА «Гімназія № 3 г. Бабруйска» прайшоў навукова-практычны семінар «Адукацыя ў інтарэсах устойлівага развіцця горада Бабруйска».

Праграма семінара ўключала правядзенне панэльнай дыскусіі «Арганізацыя інавацыйнай практыкі адукацыі ў інтарэсах устойлівага развіцця» і майстар-класа «Спецыфіка арганізацыі адукацыйнага працэсу ў адпаведнасці з патрабаваннямі метадалогіі АУР».

У ходзе семінара яго ўдзельнікі абмеркавалі ролю адукацыйных практык у інтарэсах устойлівага развіцця, асаблівасці іх арганізацыі, разгледзелі ініцыятывы, рэалізаваныя ў апошнія гады Каардынацыйным цэнтрам «Адукацыя ў інтарэсах устойлівага развіцця» УА «Беларускі дзяржаўны педагагічны ўніверсітэт ім. М. Танка», а таксама азнаёміліся з класіфікацыяй ключавых міждысцыплінарных кампетэнцый у галіне ўстойлівага развіцця і метадычнымі прыёмамі, рэалізацыя якіх у рамках навучальных заняткаў можа садзейнічаць фарміраванню кампетэнцый у галіне ўстойлівага развіцця.

Правядзенне навукова-практычнага семінара «Адукацыя ў інтарэсах устойлівага развіцця горада Бабруйска» зробіць уклад у дасягненне Рэспублікай Беларусь Мэт устойлівага развіцця 4, 10, 11 і іншых МУР.

З больш падрабязнай інфармацыяй аб семінары можна азнаёміцца па спасылцы.