26 чэрвеня 2026
24–26 чэрвеня 2026 года ў Жэневе (Швейцарская Канфедэрацыя) праходзіць 74-я пленарная сесія Канферэнцыі еўрапейскіх статыстыкаў (КЕС). Рэспубліку Беларусь на мерапрыемстве прадстаўляе намеснік Старшыні Нацыянальнага статыстычнага камітэта Рэспублікі Беларусь (Белстат) Аляксей Яркавец.
У цэнтры ўвагі сесіі – вымярэнне міграцыі і мабільнасці насельніцтва, а таксама ўплыў сацыяльных і тэхналагічных пераўтварэнняў на развіццё афіцыйнай статыстыкі. Удзельнікі азнаёмяцца з працай Групы высокага ўзроўню па мадэрнізацыі афіцыйнай статыстыкі і абмяркуюць далейшыя планы яе дзейнасці. Акрамя таго, будуць прадстаўлены вынікі паглыбленых аглядаў, падрыхтаваных Бюро КЕС.
Выступаючы на сесіі, прысвечанай вымярэнню міграцыі і мабільнасці насельніцтва, намеснік Старшыні Белстата адзначыў, што ў Беларусі статыстыка міграцыі фарміруецца на аснове адміністрацыйных даных, што атрымліваюцца з дзяржаўных інфармацыйных рэсурсаў (ГІР). Зараз абнаўляюцца звесткі ГІР для стварэння адзінай сістэмы кіравання дадзенымі і распрацоўваецца Статыстычны рэгістр насельніцтва.
У рамках падрыхтоўкі да наступнага перапісу насельніцтва, а таксама для выдзялення турыстычных патокаў распрацоўваюцца метадалагічныя падыходы да выкарыстання звестак мабільнага пазіцыянавання ў афіцыйнай статыстыцы. У бягучым годзе Белстат ажыццявіў эксперыментальны разлік паказчыка «ступень урбанізацыі» па методыцы DEGURBA, што дасць магчымасць больш эфектыўна планаваць развіццё тэрыторый. У Беларусі фарміруецца «лічбавы фундамент», які стане асновай доўгатэрміновага развіцця нацыянальнай эканомікі і грамадства.
Аляксей Яркавец таксама прыняў удзел у сумесным пленарным пасяджэнні экспертаў па пытаннях глабальнага кіравання геопространственной інфармацыяй, дзе прадставіў вопыт Беларусі ў гэтай сферы.
Развіццё сучасных крыніц даных, удасканаленне метадалогій і лічбавая трансфармацыя статыстычнай сістэмы ўзмацняюць нацыянальны патэнцыял у маніторынгу дэмаграфічных і міграцыйных працэсаў, садзейнічаючы эфектыўнай рэалізацыі Парадку дня ў галіне ўстойлівага развіцця да 2030 года.
Удзел прадстаўніка Белстата ў 74-й пленарнай сесіі Канферэнцыі еўрапейскіх статыстыкаў падтрыманы Праграмай развіцця ААН (ПРААН) у Рэспубліцы Беларусь у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Урадам Расійскай Федэрацыі.
Крыніца інфармацыі
КАРТА САЙТА
