18 кастрычніка 2024
17 – 18 кастрычніка 2024 г. у Мінску праходзіла ХХV Міжнародная навуковая канферэнцыя «Праблемы прагназавання і дзяржаўнага рэгулявання сацыяльна-эканамічнага развіцця».
У мерапрыемстве прынялі ўдзел прадстаўнікі органаў дзяржаўнага кіравання, навуковых колаў, бізнес супольнасці, міжнародных арганізацый.
Асноўная мэта Канферэнцыі – вызначыць прыярытэты і механізмы дзяржаўнага рэгулявання ўстойлівага развіцця ў новай геапалітычнай і геаэканамічнай рэальнасці.
Прывітальнае слова ўдзельнікам канферэнцыі накіраваў Першы намеснік Прэм’ер-міністра Рэспублікі Беларусь Мікалай Снапкоў.«Сёння ў глабальнай, рэгіянальнай і нацыянальнай эканоміках адбываюцца маштабныя змены. У вельмі кароткія тэрміны мы былі вымушаны істотна перагледзець свае пазіцыі на знешнеэканамічным контуры, па-новаму падысці да прымянення інструментаў макраэканамічнай палітыкі, пераацаніць надзейнасць міжнародных механізмаў», – паведаміў Мікалай Снапкоў.Ён таксама падкрэсліў важнасць аб’яднання намаганняў органаў улады, навуковай супольнасці і бізнесу для захавання патэнцыялу беларускай эканомікі і вызначэння перспектыў яе развіцця і выказаў упэўненасць, што рэкамендацыі, выпрацаваныя ў ходзе канферэнцыі, дапамогуць знайсці шляхі вырашэння важных праблем у інтарэсах павышэння якасці жыцця людзей, стабільнага і гарманічнага развіцця Беларусі.
З прывітальным словам да ўдзельнікаў канферэнцыі звярнуўся Нацыянальны каардынатар па дасягненні Мэт устойлівага развіцця, намеснік Старшыні Савета Рэспублікі Нацыянальнага сходу Рэспублікі Беларусь Сяргей Хаменка, адзначыўшы, што бясконцая чарада крызісаў і складаная павуціна сувязей сучаснай сусветнай сістэмы спалучаны з шэрагам выклікаў.«Сёння перад усёй краінай стаіць задача адаптаваць эканамічную сістэму да новых рэалій. Яе рашэнне патрабуе працавітасці і высокай аддачы ад усіх чальцоў грамадства. Пры гэтым вельмі важна сфарміраваць прадуманую праграму дзеянняў, якая б улічвала нашы нацыянальныя асаблівасці, а таксама знешнія тэндэнцыі і пагрозы. І ў гэтым, на маю думку, павінна дапамагчы сённяшняе мерапрыемства, – адзначыў Сяргей Хаменка. – Шырокае праблемнае поле канферэнцыі наглядна паказвае, што сацыяльна-эканамічнае развіццё краіны – гэта не ізаляванае пытанне аднаго ведамства, а вынік зладжанай працы ўсіх галін улады і дзяржаўных інстытутаў».Поўны тэкст выступу
Міністр эканомікі Рэспублікі Беларусь Юрый Чабатар у сваім прывітальным слове падкрэсліў: «Штучны інтэлект, вялікія дадзеныя, рабатызацыя – гэта ўжо наша рэальнасць. У такіх рэаліях нам трэба будзе пабудаваць новую інтэлектуальную эканоміку з уласнымі прарыўнымі тэхналогіямі. А моцныя рэгіёны павінны стаць нашымі канкурэнтнымі перавагамі. Ядром у бачанні будучыні Беларусі з’яўляецца чалавек, як галоўная каштоўнасць. І наша задача, стварыць развітую, узорную інфраструктуру для яго жыцця, і самае галоўнае – яго развіцця і самарэалізацыі незалежна ад месца пражывання».
З прывітальным словам да ўдзельнікаў канферэнцыі звярнуўся Старшыня Камітэта па эканамічнай палітыцы і стратэгічнаму планаванню Санкт-Пецярбурга Анатоль Котаў.«Нашы дзяржавы сёння паспяхова вырашаюць пытанні абнаўлення і рэалізацыі нацыянальных стратэгій устойлівага развіцця і вырашэння задач тэхналагічнай бяспекі. Дыялог аб стратэгіях рэгіянальнага развіцця пачаўся ў Пецярбургу 10 кастрычніка ў рамках XXII форуму стратэгаў і працягнецца сёння ў рамках дыскусійнай пляцоўкі. Упэўнены, што сённяшні дыялог будзе карысным і змястоўным для ўсіх яго ўдзельнікаў і надасць новы імпульс супрацоўніцтву нашых краін.», – паведаміў Старшыня Камітэта.
Дырэктар Шанхайскага міжнароднага навучальнага цэнтра CIFAL Ван Гэньсян у сваім прывітальным слове паведаміў: «У чэрвені гэтага года ў Шанхаі мы паспяхова правялі мерапрыемства па рэгіянальным эканамічным развіцці Беларусі, трэнінг па супрацоўніцтве, устанавілі сяброўскія адносіны супрацоўніцтва, што дало магчымасць нам сабрацца сёння ў Беларусі, каб абмеркаваць праблемы, якія стаяць перад светам, і садзейнічаць рэалізацыі Мэт устойлівага развіцця Арганізацыі Аб’яднаных Нацый, сацыяльнаму і эканамічнаму развіццю, супрацоўніцтву і абменам».
Праграма мерапрыемстваў Міжнароднай навуковай канферэнцыі ўключала правядзенне трох дыскусійных пляцовак: «Глабальная матрыца стратэгічнага выбару: выклікі і рызыкі для нацыянальных эканомік», «Тэхналагічная бяспека ва ўмовах канкурэнцыі: рэальнасць ці ўтопія», «Стратэгіі рэгіянальнага развіцця: лакалізацыя глабальных і нацыянальных мэт».
У рамках дыскусійнай пляцоўкі «Стратэгіі рэгіянальнага развіцця: лакалізацыя глабальных і нацыянальных мэт», накіраванай на ўдасканаленне метадалагічных і практычных аспектаў кіравання рэгіянальным развіццём, былі прадстаўлены метадычныя падыходы да распрацоўкі рэгіянальных стратэгій устойлівага развіцця, а таксама прапановы ў рэгіянальныя стратэгіі ўстойлівага развіцця Віцебскай, Гродзенскай, Гомельскай і Мінскай абласцей на перыяд да 2040 года, распрацаваныя пры садзейнічанні ПРААН у рамках праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця».
Сярод асноўных стратэгічных напрамкаў развіцця рэгіёнаў былі названы: пераадоленне негатыўных дэмаграфічных тэндэнцый, скарачэнне ўнутрыабласной дыферэнцыяцыі і развіццё сельскіх тэрыторый, забеспячэнне экалагічнай устойлівасці, эфектыўнае выкарыстанне рэсурсаў, развіццё цыфравізацыі, прадпрымальніцтва, інавацый, актыўная работа з моладдзю.
Начальнік галоўнага ўпраўлення рэгіянальнага развіцця і маёмасных адносін Міністэрства эканомікі Рэспублікі Беларусь Таццяна Андрэева прадставіла падыходы да ацэнкі работы па паскоранаму развіццю раёнаў і гарадоў з колькасцю насельніцтва 80 тыс. чалавек і больш і шляхі іх удасканалення. Яна адзначыла, што пры фарміраванні падыходаў да ацэнкі ўстойлівага развіцця гэтых рэгіёнаў і іх рэалізацыі неабходна ўлічваць празрыстасць для карыстальнікаў, а таксама той факт, што яны павінны адпавядаць задам сацыяльна-эканамічнага развіцця краіны і мець магчымасць ацаніць выкананне задач паскоранага развіцця ў цэлым.
Акрамя таго, праграма Канферэнцыі ўключала шэраг секцыйных пасяджэнняў па абмеркаванні актуальных пытанняў макраэканамічнай і знешнеэканамічнай палітыкі, развіцця сацыяльнай сферы, павышэння канкурэнтаздольнасці нацыянальнай эканомікі за кошт росту інвестыцый і інавацый, стратэгій і механізмаў рэгіянальнага развіцця і іншых пытанняў.
У цэлым, зыходзячы з вынікаў абмеркаванняў, праведзеных у рамках дыскусійных пляцовак і секцыйных пасяджэнняў Канферэнцыі, удзельнікі падтрымліваюць прыярытэты, выкладзеныя ў праекце Нацыянальнай стратэгіі ўстойлівага развіцця на перыяд да 2040 г. У прыватнасці:
Улічваючы сістэмаўтваральнае значэнне НСУР для распрацоўкі пяцігадовай праграмы сацыяльна-эканамічнага развіцця, неабходна забяспечыць выкананне названых прыярытэтаў пры фарміраванні мэт і задач на 2026-2030 гады.
У рамках Канферэнцыі таксама адбыўся круглы стол «Супрацоўніцтва рэгіёнаў Беларусі і Расіі: рэсурсы і патэнцыял развіцця» пры ўдзеле прадстаўнікоў цэнтральных і рэгіянальных органаў улады Рэспублікі Беларусь і Расійскай Федэрацыі.
Круглы стол стаў чацвёртым, завяршальным мерапрыемствам цыкла сустрэч па пытаннях распрацоўкі і практычнай рэалізацыі Праграмы трансгранічнага супрацоўніцтва рэгіёнаў у Саюзнай дзяржаве, якія прайшлі ў рамках Форума стратэгаў-2024 у Санкт-Пецярбургу 10 – 11 кастрычніка, а таксама Канферэнцыі ў Мінску.
Удзельнікі круглага стала азнаёміліся з вынікамі працы Форума стратэгаў-2024 і папярэдніх сустрэч дыскусійнага цыкла, перспектывамі завяршэння распрацоўкі і запуску Праграмы супрацоўніцтва рэгіёнаў Беларусі і Расіі. Яны таксама абмяняліся думкамі па пытаннях існуючых перашкод для паўнацэннага супрацоўніцтва, шляхоў іх пераадолення, існуючых рэсурсаў у рамках Саюзнай дзяржавы Беларусі і Расіі і абмеркавалі падыходы да ўзаемадзеяння дзвюх краін у гэтым напрамку.
У ходзе абмеркаванняў таксама была падкрэслена важнасць і вялікі патэнцыял рэгіянальнага супрацоўніцтва паміж Рэспублікай Беларусь і Расійскай Федэрацыяй для дасягнення Мэт устойлівага развіцця, чаму будзе садзейнічаць далейшая работа над распрацоўкай рэгіянальных стратэгій устойлівага развіцця абласцей Рэспублікі Беларусь, якая вядзецца пры падтрымцы Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця».
Па выніках сустрэчы ўдзельнікі прынялі рашэнне скласці падагульняючы дакумент серыі дыскусій у Санкт-Пецярбургу і Мінску для распаўсюджвання сярод зацікаўленых арганізацый.
Мерапрыемствы Канферэнцыі арганізаваны пры падтрымцы ПРААН у рамках Праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Расійскай Федэрацыяй.
Правядзенне Міжнароднай навуковай канферэнцыі «Праблемы прагназавання і дзяржаўнага рэгулявання сацыяльна-эканамічнага развіцця» робіць уклад у рэалізацыю Рэспублікай Беларусь Парадаку дня ў галіне ўстойлівага развіцця на перыяд да 2030 года.
.
Паводле інфармацыі тэлеграм-канала НДЭІ Мінэканомікі
КАРТА САЙТА
