25 верасня 2025
25 верасня 2025 года ва ўстановах агульнай сярэдняй адукацыі Беларусі стартаваў IV Рэспубліканскі адукацыйны праект «Урокі ўстойлівага развіцця», накіраваны на папулярызацыю ідэй і каштоўнасцяў устойлівага развіцця, фарміраванне экадружалюбных звычак і «ўстойлівага» ладу жыцця сярод дзяцей і моладзі.
У праекце прымуць удзел больш за 400 навучэнцаў профільных класаў педагагічнай накіраванасці, якія прадстаўляюць 71 установу агульнай сярэдняй адукацыі ўсіх рэгіёнаў краіны.
Праект прадугледжвае правядзенне штотыднёвых онлайн сесій з лічбавымі ўрокамі аб Мэтах устойлівага развіцця, вывучыўшы якія ўдзельнікі змогуць самастойна правесці свае першыя «ўстойлівыя» ўрокі і пазнаёміць з Мэтамі ўстойлівага развіцця вучняў сваіх школ і гімназій. Дыдактычныя сцэнары і метадычныя рэкамендацыі па іх правядзенні (лічбавыя ўрокі) будуць размешчаны на сайце праекта «Урокі ўстойлівага развіцця».
Больш падрабязна азнаёміцца з умовамі ўдзелу і этапамі праекта можна ў Палажэнні.
Рэспубліканскі адукацыйны праект «Урокі ўстойлівага развіцця» арганізаваны ў рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
КАРТА САЙТА
