6 лютага 2026
6 лютага 2026 года ў Мінску прайшло пашыранае пасяджэнне калегіі Нацыянальнага статыстычнага камітэта Рэспублікі Беларусь (Белстата) па падвядзенні вынікаў работы органаў дзяржаўнай статыстыкі ў 2025 годзе і асноўных напрамках дзейнасці на 2026 год. Адной з цэнтральных тэм калегіі стала работа па маніторынгу дасягнення Мэт устойлівага развіцця.
Старшыня Белстата Іна Мядзведзева ў сваім выступленні адзначыла, што мінулы год завяршыў рэалізацыю Стратэгіі развіцця дзяржаўнай статыстыкі да 2025 года. Сярод ключавых вынікаў выдзелены запуск фарміравання сістэмы кіравання дзяржаўнымі данымі, які ўключае стварэнне каталога даных і метададзеных, адзінай сістэмы класіфікацый і работу па аналізу дзяржаўных інфармацыйных рэсурсаў на прадмет дубліравання і паўнаты.
Значныя поспехі былі дасягнуты і ў рабоце па аптымізацыі інфармацыйнай сістэмы па маніторынгу МУР: нацыянальны пералік паказчыкаў практычна сфарміраваны, узровень гарманізацыі з глабальным перавысіў 70%, а даступнасць дадзеных дзякуючы абследаванням хатніх гаспадарак дасягнула 95% і атрымала высокую міжнародную адзнаку. У 2025 годзе яшчэ больш як па 20 індыкатарах у Глабальную базу ААН прадстаўлены валідаваныя нацыянальныя даныя. Упершыню праведзена комплексная ацэнка прагрэсу дасягнення МУР на нацыянальным і рэгіянальным узроўнях, якая пацвердзіла выкананне і апярэджанне шэрагу задач Парадаку дня – 2030. Для забеспячэння штогадовага маніторынгу плануецца перагляд рэгіянальных мэтавых паказчыкаў і ўстанаўленне парогавых значэнняў на 2030 год.
Працягваецца работа над іншымі ключавымі напрамкамі: падрыхтоўка да перапісу насельніцтва 2030 года і да правядзення сёмага раунда абследавання МІКС, укараненне новай версіі класіфікатара відаў эканамічнай дзейнасці і палажэнняў СНС‑2025, а таксама распрацоўка індыкатараў нацыянальнага індэкса дабрабыту . У міжнародным парадку дня запланавана пасяджэнне Статыстычнага савета Белстата і Расстата, а таксама далейшае супрацоўніцтва са Статкамітэтам СНД, Еўразійскай эканамічнай камісіяй і Праграмай развіцця ААН (ПРААН).
Надзейным партнёрам Беларусі і Белстата была і застаецца ПРААН, аказваючы падтрымку ў інавацыях, цыфравізацыі і міжнародным супрацоўніцтве.
Выступаючы на пасяджэнні, намеснік Пастаяннага прадстаўніка ПРААН у Рэспубліцы Беларусь Армен Марцірасян адзначыў, што ў сферы даных і статыстыкі ПРААН глабальна арыентуецца на тры ключавыя напрамкі: умацаванне нацыянальных сістэм збору і выкарыстання даных, укараненне інавацыйных рашэнняў для павышэння іх якасці і даступнасці, а таксама падтрымку маніторынгу дасягнення Мэт устойлівага развіцця.
У 2025 годзе пры садзейнічанні ПРААН у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі:
У 2026 годзе партнёрства ПРААН і Белстата будзе развівацца з акцэнтам на інавацыі. У планах — падрыхтоўка прапаноў па ўкараненні штучнага інтэлекту ў працу платформы справаздачнасці па МУР і прымяненню дадзеных мабільнага пазіцыянавання ў статыстыцы, а таксама распрацоўка методыкі разліку ўзроўню беспрацоўя з выкарыстаннем метаду ацэнкі малых тэрыторый, што дасць магчымасць атрымліваць больш дэталізаваныя даныя на ўзроўні раёнаў і гарадоў, і можа зрабіць Беларусь адной з першых краін рэгіёну, якія прымяняюць такі падыход на практыцы. ПРААН працягне падтрымліваць інавацыі, цыфрызацыю і прасоўванне лепшых беларускіх практык у галіне статыстыкі МУР на міжнародных пляцоўках.
Павышэнне якасці збору і інтэрпрэтацыі статыстычнай інфармацыі робіць важны ўнесак у рэалізацыю Парадаку дня ў галіне ўстойлівага развіцця на перыяд да 2030 года.
КАРТА САЙТА
