17 мая 2024
17 мая 2024 г. у Беларускім дзяржаўным педагагічным універсітэце ім. М. Танка адбыўся фінал XVI Моладзевага медыяфестывалю «Галасы маладых за ўстойлівае развіццё».
Для ўдзелу ў медыяфестывалі было прадстаўлена 112 работ (відэаролікі, постэры, інфаграфіка, фатаграфіі). Па выніках экспертнай ацэнкі ў спіс лаўрэатаў медыяфестывалю быў уключаны 31 медыяпрадукт. Усе лаўрэаты атрымалі рэкамендацыі экспертаў па ўдасканаленні зместу, музычнага суправаджэння, тэхнічных характарыстык сваіх работ.
Поўны спіс лаўрэатаў XVI Моладзевага медыяфестывалю «Галасы маладых за ўстойлівае развіццё»
Медыяфестываль арганізаваны Міністэрствам адукацыі Рэспублікі Беларусь і Каардынацыйным цэнтрам «Адукацыя ў інтарэсах устойлівага развіцця» Беларускага дзяржаўнага педагагічнага ўніверсітэта ім. М. Танка у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які рэалізуецца агенцтвамі ААН у Рэспубліцы Беларусь і фінансуецца Урадам Расійскай Федэрацыі.
Правядзенне Моладзевага медыяфестывалю «Галасы маладых за ўстойлівае развіццё» робіць важны ўклад у папулярызацыю Мэт устойлівага развіцця ў Рэспубліцы Беларусь.
КАРТА САЙТА
