У Беларусі запушчана платформа ацэнкі ESG-сталасці кампаній

Сетка Глабальнага дагавора ААН у Беларусі сумесна з ААТ «Сбер Банк» аб’явіла аб запуску лічбавага інструмента для самаацэнкі ESG‑сталасці кампаній.

Новы сэрвіс дазваляе любому бізнесу бясплатна і без рэгістрацыі ацаніць узровень устойлівага развіцця, убачыць моцныя бакі, вызначыць зоны ўвагі і намеціць практычныя крокі для далейшага развіцця ўстойлівых практык. Анкета структуравана па трох напрамках:

• Environment (навакольнае асяроддзе): рэсурсы, адходы, выкіды;
• Social (сацыяльная сфера): працоўныя практыкі, ахова працы, уцягнутасць супрацоўнікаў;
• Governance (карпаратыўнае кіраванне): комплаенс, антыкарупцыйная палітыка, кіраванне рызыкамі.

Запаўненне анкеты займае 15-20 хвілін. Пасля адпраўкі сістэма разлічвае агульны ESG‑бал па шкале ад 0 да 100 і фармуе профіль сталасці з дэталізацыяй па кожным з трох частак. Атрыманы вынік можа служыць асновай для распрацоўкі ESG-стратэгіі, падрыхтоўкі нефінансавай справаздачнасці і ўмацавання партнёрскіх адносін.

Ацаніць узровень ESG‑сталасці кампаніі можна на адрас: esg.unglobalcompact.by.

Прымяненне гэтай метадалогіі садзейнічае распаўсюджванню лепшых практык устойлівага развіцця і ўносіць уклад у дасягненне Рэспублікай Беларусь Мэт устойлівага развіцця 8, 9, 12, 13 і іншых МУР.