У Магілёве плануюць уладкаваць каля 20 разумных прыпынкаў
У Магілёве працягваецца развіццё і мадэрнізацыя транспартнай інфраструктуры: будуюцца новыя дарогі і развязкі, абсталююцца сучасныя пункты прыпынку. Сярод бліжэйшых новаўвядзенняў – добраўпарадкаванне разумных прыпынкаў, якіх у горадзе плануецца ўстанавіць каля 20.
Разумныя прыпынкі ўяўляюць сабой сучасныя прыпыначныя пункты, абсталяваныя вялікім інтэрактыўным экранам. У тэставым рэжыме ўжо працуюць тры такія прыпынкі: на вуліцы Астроўскага, на прыпынку «Кастрычніцкі» і ў раёне завода «Электрарухавік». Зараз на экранах адлюстроўваецца рух грамадскага транспарту на адпаведных участках.
Разумныя прыпынкі – гэта элемент камфортнага гарадскога асяроддзя і інструмент развіцця турызму. У перспектыве экраны будуць дапоўнены карыснай інфармацыяй для гасцей горада, маршрутамі для самастойных прагулак, гарадскімі навінамі, важнымі аб’явамі і праграмамі святочных мерапрыемстваў.
Развіццё інтэлектуальнай транспартнай інфраструктуры, уключаючы ўкараненне разумных прыпынкаў, робіць уклад у дасягненне Рэспублікай Беларусь Мэт устойлівага развіцця 9, 11 і іншых МУР.