У Беларусі распрацоўваюць галіновыя нормы па стварэнню даступнага асяроддзя ў сацыяльнай сферы
Беларускую сістэму аховы здароўя чакае маштабны этап цыфравізацыі, які закране як медыцынскіх работнікаў, так і пацыентаў. У 2027 годзе ў рэспубліцы плануецца запуск пілотнага праекта па ўкараненні электронных лісткоў непрацаздольнасці. Новаўвядзенне заклікана поўнасцю перабудаваць звыклы працэс афармлення часовай непрацаздольнасці і зрабіць яго максімальна аўтаматызаваным.
Галоўная мэта пераходу на электронны фармат – аптымізацы працоўнага часу медыкаў і збавенне пацыентаў ад неабходнасці збіраць подпісы і штампы на папяровых бланках. Укараненне электронных бальнічных дазволіць выключыць лішнія і дублюючыя дзеянні як з боку пацыента, так і з боку ўрача. У абноўленай адзінай сістэме будзе фіксавацца толькі факт завяршэння хваробы. Пасля закрыцця электроннага дакумента медыцынскім работнікам уся інфармацыя аўтаматычна накіруецца ва ўсе зацікаўленыя структуры і ведамствы, у тым ліку працадаўцаў і органы Фонду сацыяльнай абароны.
Акрамя таго, у 2027 годзе будзе запушчаны пілотны праект, які дазваляе ў рэжыме рэальнага часу бачыць усе вольныя месцы на кансультацыі ўрачоў і дыягнастычныя даследаванні. Гэта зробіць размеркаванне патокаў пацыентаў больш празрыстым і зменшыць нагрузку на рэгістратуры. Спецыялісты ў сферы аховы здароўя ўжо вызначылі пералік форм, якія поўнасцю пяройдуць у электронны фармат да канца 2026 года.
Укараненне лічбавых інструментаў у сістэму аховы здароўя робіць уклад у дасягненне Рэспублікай Беларусь Мэт устойлівага развіцця 3, 8, 9 і іншых МУР.