Асноўныя звесткі

У верасні 2015 года дзяржавы-члены ААН прынялі Парадак дня ў галіне ўстойлівага развіцця на перыяд да 2030 года (Парадак дня-2030). Складовай часткай Парадаку дня-2030 з’яўляюцца 17 Мэт устойлівага развіцця (МУР) і 169 падпарадкаваных ім задач, якія неабходна дасягнуць да 2030 года.

Прагрэс у дасягненні Мэт будзе кантралявацца і адсочвацца пры дапамозе набору глабальных паказчыкаў (індыкатараў) дасягненні МУР. Прыняцце Парадака дня-2030 запатрабавала ад усіх дзяржаў перагляду і канкрэтызацыі нацыянальных планаў і механізмаў дасягнення ўстойлівага развіцця грамадства з улікам МУР.

Рэспубліка Беларусь адданая ажыццяўленню Парадаку дня-2030 і ўжо зрабіла шэраг важных крокаў для яе рэалізацыі на нацыянальным узроўні. У мэтах каардынацыі дзейнасці па выкананні Рэспублікай Беларусь Парадака дня-2030 сфарміравана архітэктура кіравання працэсам дасягнення МУР, у склад якой уваходзяць:

• Нацыянальны каардынатар па дасягненні МУР
• Савет па ўстойлівым развіцці
• Група Нацыянальнага сходу па дасягненні Рэспублікай Беларусь Мэт устойлівага развіцця i Савета па ўстойлівым развіцці (Парламенцкая група ўстойлівага развіцця)
• Рэгіянальныя групы ўстойлівага развіцця
• Партнёрская група ўстойлівага развіцця
• Грамадскi Савет па фармаванні і маніторынгу стратэгій устойлівага развіцця
• Сакратарыят Нацыянальнага каардынатара па дасягненню Мэт ўстойлівага развіцця і Савета па ўстойлівым развіцці (Міністэрства замежных спраў Рэспублікі Беларусь)
• Моладзевыя паслы Мэт устойлівага развіцця

Сакратарыятам Нацыянальнага каардынатара і Савета па ўстойлівым развіцці з’яўляецца Міністэрства замежных спраў.

Маніторынг дасягнення Рэспублікай Беларусь Мэт устойлівага развіцця праводзіцца Нацыянальным статыстычным камітэтам па нацыянальных паказчыках дасягнення МУР.