Вынікі дзейнасці Моладзевых паслоў МУР IV склікання

26 снежня 2025

У мэтах каардынацыі дзейнасці па выкананні Рэспублікай Беларусь Парадаку дня ў галіне ўстойлівага развіцця на перыяд да 2030 года ў краіне сфарміравана архітэктура кіравання працэсам дасягнення МУР, у склад якой уваходзіць Інстытут Моладзевых паслоў Мэт устойлівага развіцця.

Інстытут Моладзевых паслоў МУР прадстаўлены актыўнымі моладзевымі лідэрамі – студэнтамі ўстаноў сярэдняй спецыяльнай і вышэйшай адукацыі.

Тэрмін дзейнасці кожнага склікання Моладзевых паслоў МУР складае два гады. Фарміраванне складу ажыццяўляецца ў рамках конкурсу «Моладзевыя паслы Мэт устойлівага развіцця – будучыня планеты ў нашых руках», па выніках якога ствараецца каманда з 17 Моладзевых паслоў МУР і іх дублёраў.

У перыяд з 2024 па 2026 год сваю дзейнасць ажыццяўляюць Моладзевыя паслы МУР чацвёртага склікання, якія за гэты перыяд паспяхова рэалізавалі цэлы спектр праектаў міжнароднага, рэспубліканскага і рэгіянальнага ўзроўняў. Сярод найбольш значных:

• Праект «Устойлівы ўніверсітэт»
  Праект рэалізоўваўся на базе 12 устаноў вышэйшай адукацыі і праходзіў у фармаце адукацыйных інтэнсіўаў па трох напрамках: сацыяльным, экалагічным і эканамічным. Яго мэтавай аўдыторыяй сталі студэнты ВНУ, а асноўная мэта заключалася ў папулярызацыі Парадаку дня – 2030 сярод студэнцкай моладзі. Ініцыятыва прыцягнула каля пяцісот студэнтаў і спрыяла фармаванню накірунку «Валанцёры МУР.».

• Праект «Устойлівае лета»
  Праект рэалізоўваўся на базе каля 50 аздараўленчых і школьных лагераў па ўсёй Беларусі і ўключаў правядзенне захапляльных інтэрактыўных заняткаў па тэматыцы ўстойлівага развіцця. Агульны ахоп мерапрыемстваў за 2 гады склаў каля 1000 чалавек.

• Фестываль «Рух МУР»
  Праект заключаўся ў правядзенні маштабнай забаўляльнай праграмы на тэму ўстойлівага развіцця, якая ўключала інтэрактыўныя квэсты па 17 станцыях, кожная з якіх была прысвечана асобнай МУР. За два гады правядзення фестываль ахапіў каля 10 тыс. чалавек і сабраў больш за 2 млн праглядаў у сацыяльных сетках.

Моладзевыя паслы МУР чацвёртага склікання таксама прымалі актыўны ўдзел у міжнародных мерапрыемствах, сярод якіх Сусветны фестываль моладзі ў Сочы, Міжнародны моладзевы форум Байкал у Іркуцкай вобласці, Моладзевы адукацыйны форум «Тэрыторыя сэнсаў», Другі глабальны фестываль моладзі лічбавых (зялёных) ініцыятыў у Ташкенце, Міжнародны форум валанцёраў МУР і іншыя.

Дзякуючы рэалізацыі праектаў рознага маштабу і актыўнаму ўдзелу ў мерапрыемствах, прысвечаных тэматыцы МУР, Моладзевы паслы МУР не толькі павышаюць дасведчанасць моладзі пра Парадак дня – 2030, але і забяспечваюць людзей ведамі і навыкамі, неабходнымі для адаптацыі і працвітання ў XXI стагоддзі, спрыяючы інтэграцыі прынцыпаў устойлівай.

Версія для друку