Рэгіён рэалізацыі ініцыятывы

Краснапольскі, Слаўгарадскі, Чэрыкаўскі раёны, Магілёўская вобласць

Тэмы ўстойлівага развіцця

Сацыяльнае развіццё
Эканамічнае развіццё і рост
Тэхналогіі і інавацыі
Экалагічная ўстойлівасць і кіраванне рэсурсамі
Жыллё і гарадское асяроддзе

Змест дзейнасці

Цэнтр маркетынгу і сыраварства «Малочны куфэрак» створаны ў канцы 2021 года на базе спажывецкага кааператыва «Горская скарбніца» ў аграгарадку Горы і размяшчаецца ў адаптаваным будынку былога комплексна-прыёмнага пункта, які прайшоў энергаэфектыўную мадэрнізацыю.

Асноўныя паслугі ўключаюць вытворчасць і продаж разнастайных відаў фермерскага сыру, арганізацыю навучальных праграм і майстар-класаў па сыраварству для мясцовага насельніцтва, падтрымку і развіццё малога бізнесу і самазанятасці на сяле праз кааператыўнае аб’яднанне і прадастаўленне новых працоўных месцаў. Акрамя таго, цэнтр актыўна ўдзельнічае ў культурным жыцці рэгіёна, арганізуючы і падтрымліваючы розныя мерапрыемствы і акцыі, накіраваныя на ўмацаванне мясцовай супольнасці і прасоўванне ўстойлівых практык вытворчасці.

Поспех ініцыятывы ўключала наступныя ключавыя крокі:

• Адаптацыя і мадэрнізацыя існуючага будынка пад вытворчыя і энергаэфектыўныя патрэбы. Устаноўка сонечных панэляў для забеспячэння вытворчага працэсу ўстойлівай энергетыкай. Правядзенне на базе Цэнтра інфармацыйна-адукацыйных і практычных мерапрыемстваў па выкарыстанні і ўкараненні нізкавугляродных тэхналогій у гаспадарчай дзейнасці.
• Стварэнне вядомага брэнда, узаемадзеянне з іншымі рэгіёнамі і абмен вопытам. Распрацоўка і прасоўванне брэнда «Рэгіянальны Малочны куфэрак». Супрацоўніцтва з сыраварамі з іншых раёнаў для абмену вопытам і рэцэптамі, узбагачэння асартыменту прадукцыі.
• Распрацоўка і запуск анлайн-платформы, сацсетак. Стварэнне анлайн-платформы для прасоўвання і продажу сыроў пад брэндам «Рэгіянальны Малочны куфэрак», а таксама для прадастаўлення адукацыйных матэрыялаў і майстар-класаў па сыраварстве. Прасоўванне прадукцыі праз сацсеткі.

Асноўнымі выклікамі для ініцыятывы з’яўляецца неабходнасць развіцця вытворчасці і каналаў продажаў для задавальнення попыту, што запатрабуе дадатковых рэсурсаў і ўдасканалення працы, захавання экалагічных прынцыпаў і чысціні прадукцыі пры далейшым пашырэнні.

Вынікі і ўплыў ініцыятывы

Запуск цэнтра і распрацоўка брэнда «Рэгіянальны Малочны куфэрак» значна павялічылі даступнасць і разнастайнасць якасных мясцовых сыроў, пашырыўшы рынак збыту за межы рэгіёну.

Кааператыў «Горская скарбніца» каардынуе і адмініструе працу больш за 20 сыравараў і дробных сямейных ферм з Чэрыкаўскага, Слаўгарадскага і Краснапольскага раёнаў.

Штогод у цэнтры праводзіцца больш за 20 майстар-класаў па вытворчасці розных сартоў сыру, на якія запрашаюцца ўсе жадаючыя.

Больш за 50 мясцовых жыхароў з Краснапольскага раёна пачалі займацца сыраварствам.

Источники информации:

1. rmkuferak.by
2. youtu.be
3. undp.org