Мадэль комплекснай экалагічнай асветы для мясцовых супольнасцяў - Мэты ўстойлівага развіцця у Беларусі
Мадэль комплекснай экалагічнай асветы для мясцовых супольнасцяў
17 красавіка 2024
Мэты ўстойлівага развіцця
Кароткае апісанне

Ініцыятыва па стварэнні комплекснай сістэмы экалагічнай асветы грамадскасці ў аг. Трабы, Іўеўскага раёна Брэсцкай вобласці рэалізавана ў 2023 годзе грамадскім аб’яднаннем «Беларускі экалагічны рух» пры падтрымцы дзяржаўных органаў кіравання, міжнародных фондаў, мясцовых органаў улады, грамадскіх арганізацый і сельскіх жыхароў. Яна накіравана на развіццё экалагічнай дасведчанасці і актыўны ўдзел мясцовага насельніцтва ў пытаннях аховы навакольнага асяроддзя.

Падрабязнае апісанне

    Рэгіён рэалізацыі ініцыятывы

    аг. Трабы, Іўеўскі раён, Гродзенская вобласць

    Тэмы ўстойлівага развіцця

    Сацыяльнае развіццё
    Экалагічная ўстойлівасць і кіраванне рэсурсамі
    Жыллё і гарадское асяроддзе

    Змест дзейнасці

    У рамках яе дзейнасці рэалізоўваліся задачы па фарміраванні лакальнага цэнтра экалагічнай асветы, правядзенні серыі інфармацыйных сустрэч, арганізацыі прыродаахоўных мерапрыемстваў, стварэнні дэманстрацыйных аб’ектаў для экалагічнай асветы.

    Поспех ініцыятывы ўключала наступныя ключавыя крокі:

    • Распрацоўка і правядзенне серыі інфармацыйных сустрэч з мясцовымі жыхарамі па праблемах змены клімату, захавання біяразнастайнасці, кіравання воднымі рэсурсамі і іншым аспектам аховы навакольнага асяроддзя.
    • Фарміраванне і абсталяванне лакальнага цэнтра экалагічнай асветы на базе мясцовай установы адукацыі.
    • Распрацоўка і размяшчэнне наглядных дэманстрацыйных матэрыялаў аб прыродзе рэгіёну, экалагічных праблемах і шляхах іх вырашэння ў даступных грамадскіх месцах.
    • Арганізацыя экалагічных мерапрыемстваў і акцый, накіраваных на паляпшэнне экалагічнага стану рэгіёну і ўцягванне мясцовага насельніцтва ў працэс экалагічнай асветы.

    Вынікі і ўплыў ініцыятывы

    Для адпрацоўкі мадэлі комплекснай экалагічнай асветы для мясцовых супольнасцяў рэалізаваны шэраг мерапрыемстваў па паляпшэнні экалагічнай дасведчанасці і ўстойлівым развіцці мясцовых супольнасцяў.

    Створаны лакальны Цэнтр экалагічнай асветы на базе КПК «Трабскі яслі-сад – сярэдняя школа». Установе адукацыі прысвоены статус «Зялёная школа». Цэнтр аснашчаны дэманстрацыйнымі стэндамі і спецыялізаванымі трэнажорамі для нагляднага і эфектыўнага навучання навучэнцаў і наведвальнікаў.

    На тэрыторыі аграгарадка ўстаноўлены інфармацыйныя шчыты, якія расказваюць аб прыродным патэнцыяле рэгіёну і сучасных экалагічных выкліках, забяспечваючы зручны доступ да важнай інфармацыі як для мясцовых жыхароў, так і для турыстаў.

    Праведзены комплексныя мерапрыемствы па ачыстцы і добраўпарадкаванні прыбярэжнай паласы ракі Клява, у тым ліку добраўпарадкавана крыніца, пабудаваны крытыя альтанкі і падстрэшкі, устаноўлены мангалы, кантэйнерная пляцоўка для раздзельнага збору адходаў, зманціраваны арэлі і каруселі для дзяцей, месца для перапранання, абсталявана валейбольная пляцоўка, што садзейнічала паляпшэнню экалагічнай сітуацыі і стварэнню спрыяльных умоў для адпачынку. Зарыблена рака Клява для павышэння ўстойлівасці функцыянавання воднай сістэмы Нёман – Балтыйскае мора.

    Актыўнае ўцягванне мясцовага насельніцтва, школьнікаў і валанцёраў у працэс экалагічнай асветы і прыродаахоўныя мерапрыемствы, не толькі спрыялі дасягненню непасрэдных мэт ініцыятывы, згуртаваўшы мясцовую супольнасць вакол ідэі ўстойлівага ўзаемадзеяння з прыродай, але і дазволілі выпрацаваць практыка-арыентаваны падыход да стварэння працоўнай мадэлі комплекснай экалагічнай асветы для мясцовых супольнасцяў.

     

    Источники информации:

    1. minpriroda.gov.by
    2. lida.fpb.1prof.by
    3. zviazda.by

КАРТА САЙТА