Апублікаваны Указ аб развіцці аграэкатурызму

25 жніўня 2026

Апублікаваны Указ Прэзідэнта Рэспублікі Беларусь ад 18 жніўня 2026 г. №275 «Аб развіцці аграэкатурызму», якім зацверджана Палажэнне аб парадку ажыццяўлення дзейнасці па аказанні паслуг у сферы аграэкатурызму. Дакумент замацоўвае абноўленыя падыходы да рэгулявання і падтрымкі гэтай сферы.

Згодна з Палажэннем, права аказваць паслугі ў сферы аграэкатурызму прадастаўлена фізічным асобам, якія вырабляюць і (або) перапрацоўваюць сельскагаспадарчую прадукцыю на зямельных участках у сельскай мясцовасці і малых гарадскіх паселішчах, а таксама сельскагаспадарчым арганізацыям, якія вядуць дзейнасць на адпаведных зямельных участках.

Палажэннем таксама прадугледжаны ключавыя меры падтрымкі галіны:

• падаўжэнне льготнага крэдытавання суб’ектаў аграэкатурызму ААТ «Белаграпрамбанк» на неабмежаваны перыяд;
• выключэнне лімітаў крэдытавання і павелічэнне тэрмінаў заключэння крэдытных дагавораў;
• карэкціроўка падыходаў да падтрымкі аддаленых рэгіёнаў праз магчымасць выплаты спецыяльнага збору ўзамен падатку;
• змяненне ўмоў дзейнасці, уключаючы павелічэнне колькасці жылых пакояў у аграэкасядзібах да 15 і пашырэнне пераліку аказваемых паслуг..

Указ накіраваны на якаснае пераўтварэнне аграэкатурызму, развіццё сельскіх тэрыторый, захаванне традыцыйных укладаў жыцця і культурнай спадчыны, паляпшэнне ўмоў жыцця грамадзян, удасканаленне сельскай інфраструктуры і папулярызацыю культурнага, здаровага і актыўнага жыцця. Рэалізацыя названых у Палажэнні мер падтрымкі галіны ўнясе ўклад у дасягненне Рэспублікай Беларусь Мэт устойлівага развіцця 2, 3, 8, 11, 12, 15 і іншых МУР.

Версія для друку