15 лістапада 2024
14 лістапада 2024 г. у Нацыянальным статыстычным камітэце Рэспублікі Беларусь (Белстат) прайшло пасяджэнне міжсектаральнай групы па маніторынгу і ацэнцы дасягнення МУР Савета па ўстойлівым развіцці, у якім прынялі ўдзел прадстаўнікі Белстата, Мінэканомікі, Мінпрыроды, Мінжылкамгаса, Мінпрацы, МУС, Мінсувязі, Міністэрства аховы здароўя, аблвыканкамаў, ПРААН і ЮНФПА.
У ходзе пасяджэння Белстатам былі прадстаўлены вынікі ацэнкі прагрэсу Рэспублікі Беларусь у дасягненні Мэт устойлівага развіцця па выніках 2023 года. Адзначана, што 80,5% паказчыкаў МУР прадэманстравалі значны прагрэс і дасягненне высокіх вынікаў. Сярод Мэт устойлівага развіцця найбольшы прагрэс у краіне прадэманстраваны па дасягненні МУР 1 «Ліквідацыя галечы», МУР 5 «Гендэрная роўнасць», МУР 8 «Дастойная работа і эканамічны рост», МУР 9 «Індустрыялізацыя, інавацыі і інфраструктура», МУР 12 «Адказнае спажыванне і вытворчасць» і МУР 15 «Захаванне экасістэм сушы». Узровень даступнасці паказчыкаў МУР склаў 94%, што з’яўляецца адным з самых высокіх вынікаў у свеце.
У рамках разгляду падыходаў да вымярэння шматмернай беднасці ПРААН у Рэспубліцы Беларусь праінфармаваў удзельнікаў пасяджэння аб міжнародным вопыце ў гэтай сферы ў рэгіёне Усходняй Еўропы і Цэнтральнай Азіі. У аглядным даследаванні 2024 года аб вымярэнні шматмернай беднасці ў дадзеным рэгіёне, праведзеным Рэгіянальным Офісам ПРААН (Стамбул), падкрэсліваецца важнасць распрацоўкі нацыянальных індэксаў шматмернай беднасці (ІМБ), якія б дапаўнялі існуючыя грашовыя вымярэнні і факусаваліся б на рэаліях кожнай канкрэтнай краіны.
Белстат прадставіў распрацаваныя пры падтрымцы ПРААН у 2023–2024 гадах метадалагічныя падыходы да разліку нацыянальнага ІМБ для Рэспублікі Беларусь. На падставе даных выбарачнага абследавання дамашніх гаспадарак па ўзроўню жыцця былі праведзены разлікі гэтага індэкса, якія паказалі нізкі ўзровень шматмернай беднасці ў краіне, што адпавядае і тэндэнцыі скарачэння ўзроўню абсалютнай беднасці ў Беларусі. Нацыянальны ІМБ дазволіў разлічыць паказчык 1.2.2 МУР і размясціць яго на Нацыянальнай платформе прадстаўлення справаздачнасці па паказчыках МУР. Удзельнікі пасяджэння абмяняліся думкамі аб далейшай рабоце па гэтаму напрамку.
Таксама Белстат інфармаваў аб міжнародных падыходах да вымярэння дабрабыту, досведзе Нідэрландаў, Ірландыі, Італіі і іншых краін. Удзельнікі абмеркавалі перспектывы распрацоўкі нацыянальнай сістэмы вымярэння дабрабыту Рэспублікі Беларусь.
КАРТА САЙТА
