12 кастрычніка 2019
11 кастрычніка 2019 г. у Барысаве адбыўся эканамічны Форум Мінскай вобласці «Мінская вобласць. Праз інвестыцыі, інавацыі і экспарт – да ўстойлівага развіцця» пад кіраўніцтвам намесніка старшыні аблвыканкама, члена Савета па ўстойлівым развіцці Мікалая Міхайлавіча Рагашчука.
Удзел у мерапрыемстве прынялі Старшыня камітэта эканомікі аблвыканкама, намеснікі старшыняў райгарвыканкамаў, кіраўнікі прадпрыемстваў Мінскай вобласці, а таксама дэлегацыі з Расіі, Чэхіі, Славакіі, Малдовы, Грузіі і Таджыкістана.
У рамках форуму былі прадстаўлены інвестыцыйныя і інавацыйныя праекты, якія рэалізуюцца, а таксама плануемыя да рэалізацыі ў Мінскай вобласці ў розных сферах дзейнасці.
Прэзентацыі сваёй прадукцыі правялі каля 20 вядучых кампаній вобласці з розных сфер: ад вытворчасці касметыкі, лекаў, малака і мяса да аўтамабілебудавання і інфармацыйных тэхналогій.
Начальнік галоўнага ўпраўлення спорту і турызму аблвыканкама Яўген Васільевіч Булойчык прэзентаваў спартыўны патэнцыял Мінскай вобласці. Намеснікам галоўнага ўрача УАЗ «Уздзенская цэнтральная раённая бальніца» Гаўрусікам Уладзіславам Здзіслававічам для патэнцыйных інвестараў быў прадстаўлены праект «Медыка-сацыяльны рэабілітацыйны цэнтр з выкарыстаннем інавацыйнай рабатызаванай тэхнікі і тэхналогіі віртуальнай рэальнасці». Мэтай стварэння рэабілітацыйнага цэнтра з’яўляецца павышэнне якасці жыцця людзей з абмежаванымі магчымасцямі з прымяненнем метадаў інавацыйных тэхналогій. Рэалізацыя дадзенага праекта будзе садзейнічаць дасягненню Мэты ўстойлівага развіцця № 3 «Забеспячэнне здаровага ладу жыцця і садзейнічанне дабрабыту для ўсіх у любым узросце».
КАРТА САЙТА
