7 верасня 2026
Для прыцягнення і замацавання таленавітай моладзі ў навуковай, навукова-тэхнічнай і інавацыйнай сферах, а таксама стварэння маладзёжных навукова-даследчых груп і забеспячэння пераемнасці паміж вучонымі розных пакаленняў Нацыянальная акадэмія навук Беларусі праводзіць конкурс «100 маладых талентаў Нацыянальнай акадэміі навук Беларусі».
У конкурсе могуць прыняць удзел кандыдаты навук ва ўзросце да 35 гадоў, якія працуюць у арганізацыях НАН Беларусі, і дактары навук ва ўзросце да 45 гадоў па стану на 1 студзеня 2026 года, якія атрымалі вучоную ступень да 30 і да 40 гадоў адпаведна.
Заяўкі на ўдзел прымаюцца да 30 кастрычніка 2026 года.
Больш падрабязна з патрабаваннямі, якія прад’яўляюцца да ўдзельнікаў, і ўмовамі конкурсу можна азнаёміцца ў Палажэнні аб конкурсе на сайце НАН Беларусі.
Пераможцы конкурсу атрымліваюць права быць уключанымі ў банк даных «100 маладых талентаў НАН Беларусі», залічваюцца ў рэзерв кіруючых кадраў і штогод атрымліваюць грант на ўдзел у міжнародных навуковых і адукацыйных мерапрыемствах.
Правядзенне конкурсу «100 маладых талентаў Нацыянальнай акадэміі навук Беларусі» робіць уклад у дасягненне Рэспублікай Беларусь Мэт устойлівага развіцця 8, 9 і іншых МУР.
КАРТА САЙТА
