24 жніўня 2026
Па выніках другога Нацыянальнага даследавання якасці адукацыі, праведзенага ў Беларусі ў красавіку 2026 года, навучэнцы беларускіх навучальных устаноў прадэманстравалі рост узроўню функцыянальнай пісьменнасці.
Даследаванне праводзілася сярод навучэнцаў 10-х класаў і першакурснікаў каледжаў, якія ўжо маюць базавую адукацыю, і было накіравана на ацэнку іх здольнасці прымяняць веды для вырашэння рэальных жыццёвых задач — менавіта гэты навык з’яўляецца ключавым паказчыкам функцыянальнай пісьменнасці. Усяго ў даследаванні – 2026 прынялі ўдзел больш за 18 тысяч навучэнцаў са звыш 700 устаноў адукацыі.
Заданні даследавання былі пабудаваны такім чынам, каб праверыць не аб’ём ведаў, а ўменне думаць шырока і міждысцыплінарна. Ацэньваліся чытацкая, матэматычная, натуральна навуковая і фінансавая пісьменнасць. У фокусе ўвагі таксама знаходзяцца сацыякультурныя фактары. Так, найбольшы прырост сярэдняга бала зафіксаваны па натуральна навуковай граматнасці — паказчык павялічыўся на 2,5 бала ў параўнанні з 2023 годам. Істотна вырасла і колькасць удзельнікаў, якія набралі 18-20 балаў з 20 магчымых: па чытацкай пісьменнасці гэты паказчык павялічыўся амаль у чатыры разы — з 2,8% да 10,7%.
Атрыманыя вынікі стануць асновай для метадычнай работы ў 2026/2027 навучальным годзе. У Акадэміі адукацыі падрыхтавалі ўжо рэкамендацыі па ўдасканаленні адукацыйнага працэсу, якія ў бліжэйшы час будуць накіраваны ў рэгіянальныя інстытуты развіцця адукацыі для далейшага ўкаранення.
Нацыянальнае даследаванне якасці адукацыі-2026 пацвердзіла унікальнасць беларускай сістэмы адукацыі, якая забяспечвае роўныя магчымасці для атрымання якаснага навучання і ўносіць значны ўклад у дасягненне Мэт устойлівага развіцця 4, 8 і іншых МУР.
Крыніца інфармацыі
КАРТА САЙТА
