8 снежня 2025
3 снежня 2025 года ў Мінску адбыўся Форум пілотных ініцыятыў па Мэтам устойлівага развіцця (МУР), прымеркаваны да Міжнароднага дня людзей з інваліднасцю.
Форум арганізаваны Праграмай развіцця ААН (ПРААН) у Рэспубліцы Беларусь. У ім прынялі ўдзел прадстаўнікі дзяржаўных органаў, грамадскіх арганізацый, Пасольства Расійскай Федэрацыі.
Адкрыў Форум намеснік Пастаяннага прадстаўніка ПРААН у Рэспубліцы Беларусь Армэн Марцірасян. У сваім выступленні ён падкрэсліў, што інклюзія і роўныя магчымасці з’яўляюцца агульнай адказнасцю, якая патрабуе салідарнасці, павагі да правоў чалавека і сумесных дзеянняў.
— Роўныя магчымасці — гэта не прывілей, а права кожнага. Ва ўсім свеце больш за мільярд людзей працягваюць сутыкацца з бар’ерамі — у адукацыі, ахове здароўя, працаўладкаванні, транспарце, лічбавым асяроддзі і грамадскім жыцці. Гэтыя бар’еры ўзнікаюць не з-за інваліднасці як такой, а з-за сістэм і ўстановак, якія не ўлічваюць добрыя якасці і патэнцыял чалавека. Задача ПРААН — дапамагаць краінам устараняць гэтыя бар’еры, — адзначыў Армэн Марцірасян.
З прывітальным словам ад імя Сакратарыята Нацыянальнага каардынатара па дасягненні Мэт устойлівага развіцця выступіла начальнік Галоўнага ўпраўлення шматбаковай дыпламатыі Міністэрства замежных спраў Рэспублікі Беларусь Ірына Вялічка. Яна падкрэсліла ўклад Форума і пілотных ініцыятыў па МУР, рэалізаваных у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй, у дзяржпалітыку па абароне правоў людзей з інваліднасцю і адзначыла, што гэта з’яўляецца добрым прыкладам міжнароднага партнёрскага ўзаемадзеяння, накіраванага на стварэнне дадатковых магчымасцей падтрымкі гэтай катэгорыі грамадзян з боку дзяржавы.
— Прыемна, што сярод напрамкаў конкурсу пілотных ініцыятыў па МУР прысутнічаюць ініцыятывы, накіраваныя на стварэнне безбар’ернага асяроддзя, інтэграцыю людзей з інваліднасцю ў грамадства і іх удзел у эканоміцы краіны, — адзначыла Ірына Вялічка.
Саветнік-пасланнік Пасольства Расійскай Федэрацыі ў Рэспубліцы Беларусь Пётр Фралоў у сваёй прывітальнай прамове адзначыў праведзеную работу і вынікі, дасягнутыя пры падтрымцы Урада Расійскай Федэрацыі ў рамках рэалізацыі праекта міжнароднай тэхнічнай дапамогі«Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», і пацвердзіў намер на далейшае плённае супрацоўніцтва Расійскай Федэрацыі з дзяржаўнымі органамі і краінавай камандай ААН.
— У рамках Праекта была распрацавана Камунікацыйная стратэгія па МУР, Метадалагічныя асновы для ацэнкі заканадаўства на адпаведнасць МУР, запушчана 21 пілотная ініцыятыва па МУР, разлічаны нацыянальны індэкс шматмернай беднасці, — паведаміў Пётр Фралоў. — Расійская Федэрацыя мае намер і ў далейшым садзейнічаць Беларусі ў дасягненні Мэт устойлівага развіцця.
Намеснік Міністра – Галоўны дзяржаўны санітарны ўрач Рэспублікі Беларусь Святлана Нячай падкрэсліла значнасць Міжнароднага дня людзей з інваліднасцю як напамінкі аб адказнасці кожнага за стварэнне грамадства роўных магчымасцейі адзначыла намаганні Беларусі па забеспячэнні роўнага доступу грамадзян да медыцынскай дапамогі, прафілактыкі захворванняў, рэабілітацыі і сучасных тэхналогій — незалежна ад фізічных магчымасцей і ўзроўню даходу.
— У Беларусі ўзровень інваліднасці складае каля 6%, што прыкметна ніжэй за сярэднесусветны паказчык у 15% — праінфармавала намеснік Міністра аховы здароўя Рэспублікі Беларусь. — Міністэрства аховы здароўя сумесна з іншымі органамі дзяржаўнага кіравання актыўна працуе над фарміраваннем інклюзіўнага грамадства, якое накіравана на пашырэнне правоў і магчымасцей асоб з інваліднасцю. Гэтыя намаганні з’яўляюцца важным укладам у павышэнне якасці жыцця грамадзян і ўмацаванне прынцыпаў сацыяльнай справядлівасці ў нашай краіне.
У сваім прывітальным слове намеснік начальніка ўпраўлення па справах інвалідаў Міністэрства працы і сацыяльнай абароны Рэспублікі Беларусь Ева Зубкоўская падкрэсліла, што ў краіне людзям з інваліднасцю ўдзяляецца асаблівая ўвага: рэалізуюцца дзяржаўныя праграмы і мерапрыемствы, накіраваныя на паляпшэнне якасці іх жыцця, сацыяльную рэабілітацыю, арганізацыю вольнага часу, а таксама стварэнне даступнага асяроддзя. Яна таксама выказала ўпэўненасць, што прадстаўленыя ў рамках Форума пілотныя ініцыятывы па МУР знойдуць сваё месца ў далейшай практычнай рэалізацыі на карысць людзей.
Старшыня Лунінецкай раённай арганізацыі грамадскага аб’яднання «Беларускае таварыства інвалідаў» Валерый Паўлюкевіч у сваёй прывітальнай прамове адзначыў, што дзякуючы комплекснаму падыходу і эфектыўнай дзяржаўнай палітыцы Беларусь дэманструе прыкметны прагрэс у рэалізацыі правоў людзей з інваліднасцю, апярэджваючы многія краіны, якія далучыліся да Канвенцыі аб правах людзей з інваліднасцю значна раней.
Старшыня Лунінецкай раённай арганізацыі грамадскага аб’яднання «Беларускае таварыства інвалідаў» падкрэсліў значнасць для людзей з інваліднасцю і грамадскіх аб’яднанняў такіх праграм, як Конкурс пілотных ініцыятыў па МУР, якія даюць магчымасць рэалізоўваць інклюзіўныя праекты.
— Праект міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі, паказаў нам, што моцнае імкненне абавязкова прывядзе да поспеху. Шчыра спадзяюся, што ў будучыні мы зможам рэалізаваць шмат добрых і, галоўнае, неабходных ініцыятыў па МУР і дапамогуць выканаць задачы Мэт устойлівага развіцця на лакальным узроўні, — паведаміў Валерый Паўлюкевіч.
Асаблівасцю Форума стала прэзентацыя адаптыўнай калекцыі адзення для людзей з інваліднасцю на калясках, створанай у партнёрстве ПРААН і канцэрна «Беллегпрам».
— Мэта гэтай ініцыятывы – стварэнне калекцыі адаптыўнай вопраткі для людзей, якія перасоўваюцца на інвалідных калясках, якая спалучае ў сабе некалькі прынцыпаў: прадуманасць крою і канструкцыі, сучасны дызайн. Гэта адзенне, якое дазваляе адчуваць сябе свабодна ў любым асяроддзі, — адзначыла Дырэктар ААТ «Цэнтр Моды» Александрына Арлова. — Адпраўной кропкай з’яўлялася не абстрактная ідэя, а канкрэтныя запатрабаванні і запыт.
Важным этапам у стварэнні калекцыі стаў непасрэдны ўдзел будучых спажыўцоў у выяўленні актуальных праблем, распрацоўцы прататыпаў і карэкціроўцы лякал. Гэты ўдзел быў забяспечаны ПРААН сумесна з грамадскімі арганізацыямі, якія прадстаўляюць інтарэсы людзей з інваліднасцю. Такі падыход дазволіў улічыць рэальныя патрэбнасці і чаканні мэтавай аўдыторыі. У выніку кожная мадэль, прадстаўленая ў калекцыі, накіравана на вырашэнне канкрэтных задач карыстальнікаў, арганічна спалучаючы функцыянальнасць адаптыўных элементаў і сучасны дызайн.
З адаптыўнай калекцыяй можна азнаёміцца ў прэзентацыі.
Таксама ў рамках Форума былі прадстаўлены вынікі пілотных ініцыятыў па МУР, якія паспяхова рэалізаваны ў 2025 годзе ва ўсіх рэгіёнах Беларусі пры падтрымцы ПРААН у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Расійскай Федэрацыяй. Гэтыя ініцыятывы сталі важным крокам на шляху да фарміравання грамадства, дзе шануюцца роўныя магчымасці і ўстойлівае развіццё.
Кожная ініцыятыва мае сваю ўнікальную накіраванасць: развіццё новых кампетэнцый і адукацыйных практык, стварэнне сучасных вытворчасцей і інавацыйных рашэнняў, фарміраванне безбар’ернага асяроддзя, сацыялізацыя і ўцягванне мясцовых супольнасцей у працэсы развіцця. Асаблівае значэнне мае маштаб удзелу грамадзян: у рэалізацыі пілотных ініцыятыў па МУР прынялі ўдзел 4903 чалавекі (71% – жанчыны), сярод якіх 693 – людзі з інваліднасцю.
Дзякуючы рэалізаваным пілотным ініцыятывам па МУР:
Больш падрабязна з вынікамі кожнай пілотнай ініцыятывы па МУР можна азнаёміцца ў прэзентацыі і ў відэароліку.
У ходзе форуму прадстаўнікі пілотных ініцыятыў па МУР абмеркавалі найлепшыя практыкі, вынятыя ўрокі, выклікі і бар’еры, а таксама перспектыўныя напрамкі і праектныя ідэі па тэматыцы ўстойлівага развіцця.
Форум пілотных ініцыятыў па МУР арганізаваны і праведзены ПРААН у Рэспубліцы Беларусь у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця» пры фінансавай падтрымцы Расійскай Федэрацыі.
Відэаролік аб Форуме
Фотагалерэя Форуму
.
КАРТА САЙТА
