28 верасня 2023
У рамках праекта «Адзін раён – адзін праект» у Віцебскай вобласці рэалізуецца 24 інвестыцыйныя праекты, якія прадугледжваюць стварэнне 710 новых працоўных месцаў. Больш за 120 працоўных месцаў запланавана стварыць на вытворчасцях прадуктаў харчавання, па 60 – у арганізацыях па вытворчасці транспартных сродкаў, а таксама адзення.
Асноўныя напрамкі, па якіх рэалізуюцца праекты, — харчовая, дрэваапрацоўчая і металургічная прамысловасць, вытворчасць хімічных прадуктаў, машынабудаванне. У 2023 годзе ўжо завершаны 2 праекты. Да канца года плануецца завяршыць яшчэ чатыры праекты. Сфарміраваны пералік інвестыцыйных праектаў на 2024 год. У яго прапанавана ўключыць 28 праектаў: 13 пераходзячых з бягучага года і 15 новых.
Рэалізацыя інвестпраектаў у рамках праекта «Адзін раён – адзін праект» садзейнічае развіццю раёнаў і Віцебскай вобласці ў цэлым, што ўносіць уклад у дасягненне Рэспублікай Беларусь Мэт устойлівага развіцця 8, 9, 11 і іншых МУР.
З больш падрабязнай інфармацыяй аб праектах у Віцебскай вобласці можна пазнаёміцца па спасылцы.
КАРТА САЙТА
