10 снежня 2022
З мэтай павышэння эканамічнага патэнцыялу за кошт эфектыўнага ўзаемадзеяння ў вытворчасці, перапрацоўцы, транспарціроўцы, прасоўванні, рэалізацыі прадукцыі ў Віцебскай вобласці рэалізуецца ініцыятыва «Сельскагаспадарчы кластар Аршанскага раёна».
Ініцыятыва аб’ядноўвае прадстаўнікоў сялянска-фермерскіх гаспадарак Аршанскага і Сенненскага раёна. Аснова кластарнай дзейнасці — укараненне інавацыйных тэхналогій у апрацоўку сельскагаспадарчых культур, у тым ліку апрабаванне метадаў дакладнага земляробства з дапамогай беспілотных лятальных апаратаў.
На сённяшні дзень у склад кластара ўваходзяць 4 сялянска-фермерскія гаспадаркі, ужо распрацаваны фірменны стыль, стратэгія развіцця на 2023 год, кіраўнічыя і іншыя рэгламенты, створаны свой сайт, закуплена абсталяванне.
Рэалізацыя ініцыятывы «Сельскагаспадарчы кластар Аршанскага раёна» будзе садзейнічаць развіццю малога бізнесу і павышэнню ўстойлівасці сельскагаспадарчых культур, што ўнясе ўклад у дасягненне Рэспублікай Беларусь Мэт устойлівага развіцця 2, 8, 9, 10 і іншых МУР.
З больш падрабязнай інфармацыяй аб кластары можна азнаёміцца па спасылцы.
КАРТА САЙТА
