13 лютага 2024
7 лютага 2024 года на базе Цэнтра павышэння кваліфікацыі «Віцебскі абласны інстытут развіцця адукацыі» прайшоў рэгіянальны маладзёжны форум «Будучыня ў руках маладых».
У форуме прынялі ўдзел каля 200 педагогаў, школьнікаў і прадстаўнікоў адміністрацый навучальных устаноў Віцебскага рэгіёна.
Форум быў накіраваны на азнаямленне з магчымасцямі профільнай адукацыі і досведам працы ўстаноў па арганізацыі прафесійнай падрыхтоўкі навучэнцаў профільных класаў Віцебска і Віцебскай вобласці. Праграма форуму ўключала выставу і інтэрактыўныя пляцоўкі, а таксама візітныя карткі профільных класаў па 9 напрамках.
Правядзенне рэгіянальнага маладзёжнага форуму «Будучыня ў руках маладых» садзейнічае фарміраванню ў моладзі пісьменнага разумення выбранай прафесіі і перспектыў працаўладкавання, што ўносіць уклад у дасягненне Рэспублікай Беларусь Мэт устойлівага развіцця 4, 8 і іншых МУР.
З больш падрабязнай інфармацыяй аб форуме можна азнаёміцца па спасылцы.
КАРТА САЙТА
