26 верасня 2025
26 верасня 2025 года ў Гомелі былі выбраны пераможцы конкурсу «Самы паспяховы чалавек з інваліднасцю Гомельшчыны – 2025», якія ўнеслі значны ўклад у развіццё інклюзіўнага асяроддзя рэгіёну. Пераможцы вызначаны ў 15 намінацыях. Сярод адзначаных — адданыя сваёй справе спецыялісты, таленавітыя артысты, выдатныя спартсмены, актыўныя грамадскія дзеячы і сучасныя блогеры, кожны з якіх робіць свой уклад у развіццё інклюзіўнага грамадства і натхняе навакольных.
Намеснік старшыні Гомельскай абласной арганізацыі ГА «БЕЛТІЗ» у намінацыі «Даступнае асяроддзе» выбрана Людміла Болдуева за значны ўклад у развіццё безбар’ернай прасторы і ўкараненне інавацыйных рашэнняў. Дзякуючы яе актыўнай працы ў Гомелі і вобласці створана сучасная даступная інфраструктура ў шэрагу паліклінік, кол-цэнтрах, судах і жылых кварталах – гэта сістэмная, паслядоўная дзейнасць, а не разавыя ініцыятывы.
У намінацыі «Праданы прафесіі» выбраны ветэран працы ААТ «Гомсельмаш» Сяргей Дзямідаў – за шматгадовую працу, актыўную грамадзянскую пазіцыю і ўклад у арганізацыю вольнага часу людзей з парушэннем слыху.
Адміністратар Гомельскага абласнога цэнтра інклюзіўнай культуры Святлана Герашчанка вызначана лаўрэатам у намінацыі «Працоўная адаптацыя». Яна актыўна развіваецца ў прафесійнай і грамадскай дзейнасці, дапамагае ў арганізацыі мерапрыемстваў і выхоўвае траіх дзяцей. У 2025 годзе Святлана ўвайшла ў лік фіналістак інклюзіўнага праекта «Упэўненая».
Пераможцам у намінацыі «Спартыўны Алімп» выбрана ўраджэнка Гомельскай вобласці Аксана Петрушэнка — заслужаны майстар спорту па плаванні, шматразовая чэмпіёнка Дэфлімпійскіх гульняў, свету і Еўропы, член нацыянальнай зборнай Беларусі. На XXV летних Дефлимпийских играх в Токио она вновь подтвердила свой высокий уровень, завоевав золото на дистанциях 100 и 200 метров брассом.
У намінацыі «Адкрыццё года» выбрана Вераніка Слязенка — спартсменка-навучэнка Гомельскага абласнога цэнтра алімпійскага рэзерву па паралімпійскіх і дэфлімпійскіх відах спорту. За яркі старт, высокія вынікі і мэтанакіраванасць яна атрымала дыплом упраўлення спорту і турызму аблвыканкама.
Конкурс «Самы паспяховы чалавек з інваліднасцю Гомельшчыны – 2025» праведзены ў рамках пілотнай ініцыятывы па МУР «Рэгіянальны інфармацыйны рэсурсны цэнтр для людзей з інваліднасцю – дапамога ў рэалізацыі і абароне іх правоў», рэалізуемай Гомельскім абласным грамадскім аб’яднаннем інвалідаў з парушэннем функцый апорна-рухальнай сістэмы «Інваліды – спінальнікі» пры падтрымцы Праграмы развіцця ААН (ПРААН) у Рэспубліцы Беларусь у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Урадам Расійскай Федэрацыі.
Рэалізацыя мерапрыемстваў пілотнай ініцыятывы па МУР робіць унёсак у дасягненне Рэспублікай Беларусь Мэт устойлівага развіцця 4, 8, 10, 11 і іншых МУР.
КАРТА САЙТА
