28 лістапада 2025
27–28 лістапада 2025 года ў Магілёве прайшла Міжнародная канферэнцыя «Прадукцыйнасць працы. Рэзервы і метады павышэння эфектыўнасці».
Мерапрыемства стала пляцоўкай для абмену вопытам, дэманстрацыі найлепшых практык, пошуку новых рашэнняў і ўмацавання пазіцый прамысловых прадпрыемстваў і арганізацый на шляху да ўстойлівага развіцця.
У ходзе дыскусій удзельнікі абмеркавалі фарміраванне культуры высокай прадукцыйнасці і павышэнне эфектыўнасці работы прадпрыемстваў, узрастаючы інтарэс арганізацый да праблем аптымізацыі працы, а таксама практыкі беражлівай вытворчасці. Асаблівая ўвага была ўдзелена абмену вопытам і выпрацоўцы канкрэтных рашэнняў, накіраваных на павышэнне эфектыўнасці рэгіянальнай эканомікі. Прагрэсіўным вопытам у гэтай сферы падзяліліся спецыялісты з рэгіёнаў Расіі.
Праграма канферэнцыі ўключала пленарнае пасяджэнне і дзве панэльныя сесіі – «Сучасныя тэхналогіі і абсталяванне» і «Прамысловая псіхалогія: сакрэты павышэння прадукцыйнасці працы», а таксама семінар «Практыка беражлівай вытворчасці», падчас якога ўдзельнікам былі прадстаўлены ўніверсальныя прылады падвышэння эфектыўнасці, прадэманстраваны метады ашчаднай вытворчасці з выкарыстаннем Lean-гульні.
У рамках пленарнага пасяджэння была прадстаўлена работа Цэнтра кампетэнцый па павышэнні прадукцыйнасці працы, створанага пры падтрымцы Праграмы развіцця ААН (ПРААН) у Рэспубліцы Беларусь у рамках праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», фінансуемага Расійскай Федэрацыяй. Цэнтр кампетэнцый па павышэнні прадукцыйнасці працы павінен стаць сучаснай адукацыйнай і кансультацыйнай платформай для прамысловых прадпрыемстваў як Магілёўскага рэгіёну, так і ўсёй краіны.
Мерапрыемства таксама стала пляцоўкай для дэманстрацыі прадпрыемствамі і арганізацыямі Магілёўскай вобласці сваіх праектных рашэнняў і інавацыйных практык на конкурсе па павышэнні прадукцыйнасці працы сярод прадпрыемстваў і арганізацый Магілёўскай вобласці.
Міжнародная канферэнцыя «Прадукцыйнасць працы. Рэзервы і метады павышэння эфектыўнасці» прайшла пры падтрымцы ПРААН у Беларусі ў рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі, і стала важным крокам да фарміравання вытворчай супольнасці, умацавання канкурэнтаздольнасці прадпрыемстваў і ўстойлівага развіцця рэгіянальнай эканомікі, а таксама дасягнення Рэспублікай Беларусь Мэт устойлівага развіцця 8, 12 і іншых МУР.
КАРТА САЙТА
