17 верасня 2025
У маі-верасні 2025 года ў Гомелі ў рамках пілотнай ініцыятывы па МУР «Рэгіянальны інфармацыйны рэсурсны цэнтр для людзей з інваліднасцю – дапамога ў рэалізацыі і абароне іх правоў» праведзены цыкл навучальных трэнінгаў для вадзіцеляў і кандуктараў аўтобуснага і тралейбуснага паркаў, прысвечаных аказанню дапамогі людзям з інваліднасцю розных катэгорый пры пасадцы і высадцы з грамадскага транспарту.
Навучанне ахапіла супрацоўнікаў Гомельшчыны, якія штодня працуюць з пасажырамі, і было накіравана на фарміраванне ўстойлівых навыкаў карэктнага, бяспечнага і паважлівага ўзаемадзеяння з людзьмі, якія могуць мець патрэбу ў дадатковай падтрымцы. Удзельнікі не толькі атрымалі тэарэтычныя веды, але і змаглі адпрацаваць неабходныя навыкі ў змадэляваных сітуацыях, што дало магчымасць замацаваць практычныя ўменні і павысіць упэўненасць у рабоце з рознымі катэгорыямі пасажыраў. Асаблівая ўвага надавалася алгарытмам дзеянняў, асаблівасцям камунікацыі і стварэнню камфортных умоў для пасажыраў з парушэннямі апорна-рухальнага апарата, зроку, слыху, а таксама для тых, хто выкарыстоўвае тэхнічныя сродкі рэабілітацыі.
Правядзенне такіх трэнінгаў садзейнічае павышэнню даступнасці гарадскога транспарту, зніжае рызыку ўзнікнення складаных сітуацый і ўмацоўвае культуру ўважлівага стаўлення да кожнага пасажыра.
Навучальныя трэнінгі арганізаваны ў рамках пілотнай ініцыятывы па МУР «Рэгіянальны інфармацыйны рэсурсны цэнтр для людзей з інваліднасцю – дапамога ў рэалізацыі і абароне іх правоў», рэалізуемай Гомельскім абласным грамадскім аб’яднаннем інвалідаў з парушэннем функцый апорна-рухальнай сістэмы «Інваліды – спінальнікі» пры падтрымцы Праграмы развіцця ААН (ПРААН) у Рэспубліцы Беларусь у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця», які фінансуецца Урадам Расійскай Федэрацыі.
Рэалізацыя мерапрыемстваў пілотнай ініцыятывы па МУР робіць унёсак у дасягненне Рэспублікай Беларусь Мэт устойлівага развіцця 4, 8, 10, 11 і іншых МУР.
КАРТА САЙТА
