17 кастрычніка 2024
15-17 кастрычніка 2024 г. у Тыране (Рэспубліка Албанія) праходзіць Семінар і Нарада экспертаў ЕЭК ААН па статыстыцы МУР.
У ходзе Семінара, прысвечанага ўрокам, вынятым з прадстаўлення статыстычных даных па МУР, першы намеснік Старшыні Нацыянальнага статыстычнага камітэта Рэспублікі Беларусь Алена Кухарэвіч прадставіла вопыт Рэспублікі Беларусь у галіне пабудовы эфектыўнай сістэмы маніторынгу дасягнення Мэт устойлівага развіцця.
Яна адзначыла, што абноўленае ў 2023 годзе заканадаўства пашырыла магчымасці органаў дзяржаўнай статыстыкі ў галіне атрымання даных з дзяржаўных інфармацыйных сістэм і рэсурсаў, у тым ліку шляхам аддаленага доступу. Таксама Алена Кухарэвіч паведаміла, што цяпер у Беларусі вядуцца работы па распрацоўцы новых і мадэрнізацыі дзейных інфармацыйных сістэм, што дасць магчымасць паўторна выкарыстоўваць ужо сабраныя ў краіне звесткі.
«Ужываючы прадстаўленыя прылады, Белстат забяспечвае неабходную дэзагрэгацыю дадзеных і ліквідацыю наяўных прабелаў.. Так, больш за 40% паказчыкаў нацыянальнага пераліку МУР разлічваецца з выкарыстаннем адміністрацыйных даных, што істотна зніжае нагрузку на рэспандэнтаў і пастаўшчыкоў даных, дазваляе эканоміць сродкі на атрыманне патрэбнай інфармацыі. У той жа час шырокае ўжыванне адміністрацыйных дадзеных падчас маніторынгу МУР абавязвае кантраляваць іх якасць і ацэньваць надзейнасць крыніц такіх дадзеных», – праінфармавала першы намеснік Старшыні.
Акрамя таго, у сваім выступленні Алена Кухарэвіч адзначыла паспяховы вопыт Белстата ў рабоце з нетрадыцыйнымі крыніцамі даных для адсочвання рэалізацыі Парадку дня-2030, паведаміўшы, што сёння 10 паказчыкаў МУР у нацыянальным пераліку разлічваюцца з выкарыстаннем прасторавых даных, прычым для некаторых паказчыкаў такія крыніцы сталі адзіным спосабам атрымання інфармацыі.
«Паспяхова выконваючы ролю куратара даных, Белстат забяспечыў адпаведнасць міжнароднай метадалогіі 70% паказчыкаў нацыянальнага пераліку, якія разлічваюцца як непасрэдна Белстатам, так і іншымі дзяржаўнымі органамі, якія выступаюць адказнымі за рэалізацыю МУР», – рэзюмавала Алена Кухарэвіч.
Падтрымка ўдзелу беларускай дэлегацыі ў Семінары і Нарадзе экспертаў ЕЭК ААН па статыстыцы ЦУР аказана ПРААН у рамках Сумеснага праекта «Падтрымка намаганняў Рэспублікі Беларусь у нацыяналізацыі і лакалізацыі МУР», які фінансуецца Урадам Расійскай Федэрацыі.
Прадастаўленне дакладнай і своечасовай статыстычнай інфармацыі ўносіць важны ўклад у рэалізацыю Парадаку дня ў галіне ўстойлівага развіцця на перыяд да 2030 года.
.
Крыніца інфармацыі
КАРТА САЙТА
