16 красавіка 2024
16 красавіка 2024 г. у Гомелі прайшоў інфармацыйны семінар аб Конкурсе пілотных ініцыятыў па Мэтам устойлівага развіцця.
У мерапрыемстве прынялі ўдзел больш за 70 чалавек, з якіх 77% склалі жанчыны. Да семінара далучыліся прадстаўнікі Гомельскага абласнога і раённых выканаўчых камітэтаў, мясцовых Саветаў дэпутатаў, устаноў адукацыі і аховы здароўя, грамадскія арганізацыі, якія працуюць у сферы падтрымкі і развіцця дзяцей і моладзі, аказання дапамогі людзям з інваліднасцю, а таксама прыватныя камерцыйныя і некамерцыйныя арганізацыі ў сферы інавацыйных распрацовак і мясцовага развіцця.
Камандай Праграмы развіцця ААН былі прадстаўлены Палажэнне аб правядзенні Конкурсу, патрабаванні да пілотных ініцыятыў па МУР, а таксама прадэманстраваны працэс падачы заявак на Конкурс праз спецыяльна створаную платформу sdgidea.by. Акрамя гэтага, сумесна з прадстаўніком Фонду ААН у галіне народанасельніцтва былі прадстаўлены вопыт лакалізацыі МУР у Беларусі, а таксама патэнцыйныя напрамкі для будучых пілотных ініцыятыў у кантэксце 4 акселератараў па дасягненні МУР у Рэспубліцы Беларусь.
Інфармацыйны семінар быў арганізаваны Гомельскім абласным выканаўчым камітэтам сумесна з ПРААН у рамках праекта міжнароднай тэхнічнай дапамогі «Падтрымка намаганняў Рэспублікі Беларусь у нацыяналізацыі і лакалізацыі МУР» пры фінансавай падтрымцы Расійскай Федэрацыі.
Запіс інфармацыйнага семінара аб Конкурсе пілотных ініцыятыў па МУР у Гомелі даступны па спасылцы.
КАРТА САЙТА
